كان في واحد بلطجي في المنطقة إسمه ماريكا .. كان ليه حمار وكلب .. يركب الحمار .. والكلب من وراهم يجرى ويهوهو على الخلق
.. في يوم ماريكا ساب الحمار في حارتنا وقرفنا في عيشيتنا بجد ..
ويوم ورا يوم ومفيش فايده والناس خلاص عقلها شت ..
في يوم قلنا لماريكا .. عايزين منك تشيل الحمار ده بجد .. وبصراحة يوميها وقفنا وقفة رجالة بجد .. ولما كنا مصممين بجد .. قال ومالوا نشيل الحمار .. لكن إبن الحمار نضيف بجد سيبوه يومين وأشيلوا أول ما لاقي للحمار الكبير بيعه وهوزع عليكم ثمنه بجد ..
وراح وقال عدولي .. ولا رجع بثمن الحمار ولا شال الجحش .. ولما رجع .. قال معلش هسيب الكلب عندكم مع الجحش لغاية ما اروح اجيب الفلوس وآجي بجد ..
بعد ما كان في حمار جنب البيوت .. فجبولنا مع الجحش كلب ..
ماريكا البلطجي رجع من غير الفلوس برده بجد .. فالناس زعلانة وقالت معدش ناقص غير كمان الكلب.. ماريكا قال نشيل الكلب وتسكتوا بجد ..
الناس كانت مترددة بين ناس قالت نشيل الكلب وناس قالت نشيل الجحش .. وناس قالت نشيل الجحش والكلب بجد ..
والناس لسة بتفكر .. فوجئنا إن ماريكا شال الجحش وساب الكلب
... وناس بتقول طب كويس شال الجحش وناس تقول ما كلهم ألعن من بعض .. وناس بتقول انتم مش شايفين كويس ده الكلب هيخلينا نعيش في أمان ومحدش هيهجم علينا ده بيهوهو طول الليل بجد .. وكفاية العيال الصغيرة كل لما الكلب يهوهو بيلعبوا ويجروا على الشاررع يطبلوا ويهللوا ويلعبوا معاه بس بجد .. وناس تانية قالت ده بيهوهو علينا إحنا ولما صاحبه ماريكا يندهله واللا يشاورله هياكلنا تحت اسنانه بجد
والحارة كلها بتتشاكل مع بعضها
بين واحد يقول ومالوا ما الجحش كان كويس احنا مش عايزين الكلب
وبين واحد يقول والله إنتم مش عارفين حاجة ومتعرفوش قيمة الكلب
وبين واحد يقول صدقوني إتخلصوا من الجحش والكلب تنضف حارتكم بجد
وياترى نعمل إيه بجد .. وياريت كل اللي فهم قصتي يقولي نعمل إيه بجد
